Wednesday, February 6, 2013

'දිවි නැගුම' බෙදූ ඇට පුස්! - තිස්ස අත්තනායක



"'දිවි නැගුම' වැඩසටහන යටතේ බෙදා දෙන ලද බීජවලින් සියයට අනූවක්ම ඵල හට නොගන්නා පුස්  ඇට බවත්, නිසා දිවි නැගුම ඇට ප්‍රතිලාභීන් නිකරුනේ තමන්ගේ කාලය සහ ශ්‍රමය නාස්ති නොකර එම පුස්  බීජ පැල කිරීම අතහැර දමා ඇති බවත්" එක්සත් ජාතික පක්ෂයේ මහා ලේකම් තිස්ස අත්තනායක මහතා ප්‍රකාශ කරයි. ඉකුත් දා ගාල්ලේ පැවති ගෙයින් ගෙට ගොස් පක්ෂ සාමාජිකයන් බඳවා ගැනීමේ 'දොරින් දොර' වැඩසටහනක දී තමන්ට මුණගැසුණු 'දිවිනගුම' බීජ පැකට් ප්‍රතිලාභීන් 'පුස් ඇට' පිළිබඳව තමන්ට කරුණු පෙන්වා දුන් බව ඊයේ (05)පැවති මාධ්‍ය හමුවක දී අත්තනායක මහතා ප්‍රකාශ කළේය.
 
තව දුරටත් අදහස් දැක්වූ එජාප මහලේකම්වරයා මෙසේද පැවසීය.

"ආණ්ඩුව දැන් අග විනිසුරුවරියක් බිල්ලට දීලා දිවි නැගුමක්‍රියාත්මක කරන්න හදනවා. මට දැනගන්න ලැබුනා දිවි නැගුම යටතේ වගා කරන්න බීජ එහෙම නැත්නම් ඇට වර්ග බෙදා දෙනවා කියලා. මෙන්න බෙදන පැකට් එකක්. හැබැයි ආණ්ඩුව මේ බෙදන  ඇට වලින් සියයට අනූවක්ම පැල වෙන්නේ නැහැ. මම කියන්නේ බොරු නම් ගම් වලට ගිහින් අහලා බලන්න. පටන්ගන්න කොටම දිවිනගුමේ ඇට පැලවෙන්නේ නැත්නම් මොකක්ද මේ වෙන්න යන්නේ? පටන් ගන්න කොටම දිවි නැගුමේ ඇට පුස්. ඇටපුස් දිවි නැගුමට දෙවියන්ගේම පිහිටයි කියලා තමයි අපට කියන්න තියෙන්නේ."

" වගේම මේ බීජ මිල දී අරගෙන තියෙන්නේ පුද්ගලික සමාගමකින්. මහජන මුදලින් නඩත්තු වෙන කෘෂිකර්ම ඇමතිවරු කීයක් අපට ඉන්නවදකෘෂිකර්ම දෙපාර්තමේන්තු කීයක් අපට තියෙනවද? එහෙම තියා ගෙන මොකටද මේ බීජ පුද්ගලික සමාගම් වලින් සල්ලි දීලා ගන්නේ? මේ ඇට පැකට් එකේ ගහලා තියෙනවා පවුල් ආර්ථිකය නගා හිටුවන්න තමයි 'දිවි නැගුම' කරන්නේ කියලා. පුද්ගලික සමාගම් වලින් මේ විදියට පුස් ඇට බෙදා දෙන කොට 'දිවි නැගුමෙන්' නගා හිටුවෙන්නේ කාගේ පවුලේ ආර්ථිකයද යන්න ඉතා පැහැදිලි වෙන බව" තිස්ස අත්තනායක මහතා වැඩිදුරටත් සඳහන් කළේය.



(එ.ජා.ප මහලේකම් තිස්ස අත්තනායක මහතාගේ නිවේදනය)

Friday, February 1, 2013

අමාත්‍ය ආචාර්ය මර්වින් සිල්වා මහතා Minister mervin silva voice cut 2013-01-20

අමාත්‍ය ආචාර්ය මර්වින් සිල්වා මහතා කැලණිය ජනතාව ඇමතූ අවස්ථාව. (සංස්කරණය නොකල හඬ පටයකි)

Minister mervin silva voice cut 2013-01-20 by Sri Lanka News Minister mervin silva voice cut 2013-01-20

අපි අළුත් වුනා



අද සිට සෑම දිනකම නිකුත් වන සියලුම මාධ්‍ය නිවේදන, හඩ පටි සහ වීඩියෝ පට අපගේ බ්ලොග් අඩවිය තුලින් ප්‍රචාරය කිරීමට අප තීරණය කළ අතර ඒවා කිසිදු අයුරකින් හෝ සංස්කරණයකට ලක් නොකර ඇති බව සදහන් කළ යුතුවේ.

අපගේ වෙබ් අඩවියට මෙතැනින් පිවිසෙන්න  ----> ශ්‍රී ලංකා නිව්ස්

You might also like:

Related Posts Plugin for WordPress, Blogger...